Tafsilot

Ҳаммаси ўз ўрнида кетаётган бир вақтда бошингизга шундай бир ташвиш тушадики «Ёндим!», «Куйдим!» деб йиқиласиз. Айнан ўша он, ичингиздаги яхшиликлар билан улғаяётган бола чиқиб келади ва эшигингизни қоқади. «Тур!» дейди, "Ўрнингдан тур!" Қўлингиздан тутиб, зулматни енгиб ўтади ва сизни яхши кунларга элтади. Яхшилик қўрқув нималигини билмайди. Ойдинлик ҳеч қоронғиликдан қўрққанми? Ёмон кунлар билан юзлашганингизда аввал Аллоҳга, кейин ичингиздаги яхши ниятдан бошқа ҳеч кимга муҳтож бўлманг!