Tafsilot

Ronda Bernning «Hayotning buyuk siri» va “Kuch”, Jo Vitalening «Baxt sari to‘rt qadam» kitoblarini o‘qib hayratlangan bo‘lsangiz, bilingki, bu kitob aynan siz uchun. Chunki Jon Kexo bu kitobida yuqorida keltirilgan taniqli mualliflarning g‘oyalarini tushunarli tilda ifodalay olgan. Inson miyasining ishlash mexanizmlarini sivilizatsiyadan yiroqda o‘rganish va tushunish uchun 1975 yilda Jon Kexo o‘rmonga ketadi va uch yil davomida o‘sha yerda yashaydi. Turli-tuman ilmiy va maʼnaviy manbalardan axborotlar to‘plab, shuningdek, shaxsiy kuzatuvlari va tajribasiga tayanib, Kexo miya qudratini rivojlantirishga oid o‘zining dastlabki sodda va juda muvaffaqiyatli dasturini ishlab chiqdi. 1978 yilda, ishlab chiqilgan tamoyillar asosida odamlarga taʼlim bera boshladi va 1980 yildayoq uning maʼruzalari butun dunyoda keng muvaffaqiyat qozondi. Keyingi yigirma yilni Kexo taʼlim berish bilan o‘tkazdi. Hozirda u rafiqasi bilan Tinch okeanning shimoli-g‘arbiy sohilida yashaydi, kitoblar chop etish va maʼruzalar qilish bilan shug‘ullanadi.