Detail

Tunda qoʻllarida faqat mash'ala bilan koʻchalarga qo'rqa-pisa chiqqan parijliklar, venaliklar, rimliklardan farqli oʻlaroq, Qurtuba xalqi kechasi ham yorug' ko'chalarda bexavotir aylanishi mumkin edi. Yevropa hali tozalik nimaligini bilmagan bir paytda Qurtubada sakkiz yuzta hammom bor edi. Toza ichimlik suvi quvurlari uylarning ichigacha kirib borgandi. Yevropada faqatgina qirollar saroyida yetmish-sakson dona atrofida kitob boʻlgan oʻsha davrda xalifa Hakam II kutubxonasida naq toʻrt yuz ming jild kitob bor edi. Bag'dodda yozilgan kitob sakkiz-oʻn oy ichida Qurtuba kutubxonalaridan joy olardi.