Detail

Mashhur turk yozuvchisi Sabohiddin Ali qalamiga mansub mazkur asar garchi avtobiografik xarakterga ega bo‘lsa-da, mutolaa mobaynida o‘quvchi o‘zini xuddi asar qahramonlarini avvaldan taniydigandek, biladigandek his qiladi va kundalik hayotda ham ularga tez-tez duch kelib turishini anglaydi. Roman voqealari 1930 yil oxirida Istanbulda kechadi. Davr ruhini aks ettirgan ushbu asarda xalqning oddiy vakili bilan ziyolilar orasidagi farq ochib beriladi. Asarni o‘qir ekan, o‘quvchi ham beixtiyor o‘zini so‘roqqa tuta boshlaydi. Muallif yo‘l qo‘yilgan xatolardan saboq olib, inson o‘z ichidagi shaytonga quloq tutmay, to‘g‘ri yo‘ldan borishi zarurligini uqtiradi. Shubhasiz, har kim bu asardan o‘zi uchun nimadir topa oladi.